17.04.2024-cü il tarixində ASUS Global PTE. LTD şirkətinin MDB ölkələri üzrə SYS (noutbuk və PK) departamentinin regional rəhbəri xanım Angela Hsu Bakıya səfəri çərçivəsində 28 may küçəsində yerləşən ASUS Brand Store ziyarət etmişdir. Onunla yanaşı ASUS şirkətinin digər rəsmi şəxsləri də AZTECH şirkətinin rəhbərliyinin dəvəti ilə mağazada oldular. Qeyd edək ki, AZTECH şirkəti 2005-ci ildən ASUS şirkətinin Azərbaycanda rəsmi olaraq təmsil edir, şirkətlər arasında uzun illər davam edən uğurlu bir əməkdaşlıq mövcuddur.
Mağazada olarkən xanım Angela Hsu şirkətin rəhbəri cənab Zülfüqar Babayevlə, eləcə də mağazanın heyəti ilə səmimi söhbətlər aparmış, ASUS brendinin və rəsmi mağazanın Azərbaycanda uğurlu hekayəsini müzakirə etmişdirlər. Şəhərimizin ən gözəl, fərqli dizaynı ilə seçilən mağazalarından olan Brand Store həm interyeri, həm ordakı geniş çeşid, ən son modellərin mövcudluğu, müştərilərə olan özəl yanaşma ASUS rəhbərliyini çox heyrətləndirmişdir. Sonda xanım Angela Hsu AZTECH şirkətinin rəhbəri cənab Zülfüqar Babayevə görülən bütün işlərə görə öz dərin təşəkkür və minnətdarlığını bildirmişdir.
.jpg)
.jpg)