Video konsultant

Siyahı boşdur!

Dizayner, memar, kreator və yaradıcı insanların artıq hər il səbirsizliklə gözlədiyi, həm ölkə daxilində, həm də xaricdə kifayət qədər tanınan “Azerbaijan Design Award 2022” müsabiqəsinin mükafatlandırma mərasimi bu il iyunun 22-si baş tutacaq. Müsabiqə əvvəlki illərdən fərqli olaraq bu il daha miqyaslı şəkildə və ilk dəfə çox fərqli məkanda - möhtəşəm Bakı Konqres Mərkəzində təntənəli şəkildə keçiriləcək. Digər vacib məqam isə kompüter avadanlığının aparıcı idxalçılarından biri olan və ASUS, LENOVO, MSI brendlərini Azərbaycanda təmsil edən “AZTECH” şirkətinin “Azerbaijan Design Award 2022” müsabiqəsinin baş sponsoru olmasıdır.

Müsabiqədə 10 nominasiya üzrə I, II və III yeri qazanan layihə müəlliflərinə “AZTECH” şirkəti tərəfindən notbuk və kompüter alışı üçün 800 AZN, 500 AZN və 200 AZN dəyərindəki kuponlar ümumi 30 mükafatçıya hədiyyə olaraq təqdim ediləcək. Bildiyiniz kimi, bu gün istənilən iş prosesində, xüsusilə dizayner, memar, kreator və yaradıcı insanların işində performansı güclü olan notbukların rolu əvəzsizdir. Odur ki, tədbir zamanı 2022-ci ilin ən son, innovativ və çox güclü ASUS, LENOVO, MSI notbukları AZTECH stendində canlı olaraq sərgilənəcəkdir.

İştirakçılar yaxınlaşıb onlara maraqlı olan bəzi ağır qrafikalı proqramları elə yerindəcə sınamaq və ya test etmək imkanları olacaqdır. Müsabiqə ilə bağlı “AZTECH” şirkəti tərəfindən “ASUS StudioBook ProArt” modellərinə isə 1000 AZN civarında xüsusi bir ENDİRİM həsr edilib ki, bütün alıcılar ondan faydalana bilsinlər.

“AZTECH” şirkəti 1998-ci ildən kompüter və bank avadanlığı sahəsində Azərbaycan bazarında uğurla fəaliyyət göstərir. ASUS, LENOVO, MSI, Thales Group, Entrust Datacard kimi qlobal istehsalçıların Azərbaycanda rəsmi tərəfdaşıyıq. 2019-cu ilin dekabr ayında isə 28 May küç.15 ünvanında Qafqaz, Yaxın Şərq və Orta Asiyada də ilk və yeganə “ASUS BRAND STORE” mağazasının açılışı oldu. “Brand Store” olaraq münasib qiymətlər, ən yeni və innovativ modelləri nəinki ölkə bazarında, hətta regionda məhz ilk təqdim etməklə, qısa müddət ərzində müştərilərin böyük rəğbətini qazana bildik. Dizaynerlər, kreatorlar, memarlar, yaradıcı insanlar, gamerlər ROG ZEPHYRUS G14/G15, M16, Zephyrus Duo, ROG FLOW Z13, SCAR, TUF, VivoBook Pro OLED, StudioBook ProArt kimi son, eksklüziv və güclü parametrləri olan, fərqli dizaynı ilə seçilən xüsusi modelləri “AZTECH” şirkətindən rahatlıqla seçirlər. Çünki, biz hər zaman qiymət, keyfiyyət və innovativliklə bağlı müştərilərin gözləntilərini doğrultmağa çalışır və müştəri məmnuniyyəti bizim əsas hədəfimizdir. Məhz bu səbəbdən də “Azerbaijan Design Award 2022” tədbirinin baş sponsoru olmaq qərarına gəldik ki, bizi izləyən dizayner, memar, kreator və yaradıcı insanlara bu tədbir vəsiləsilə xüsusi fürsətlər yaradaraq, onlara yaxından dəstək olaq.