Qəbələ Uşaq Reabilitasiya Mərkəzinə İANƏ

Artıq 1 ildir ki, Aztech şirkəti tərəfindən “Oyun Terapiyası” adlı silsilə tədbirlər həyata keçirilir. Məqsədimiz reabilitasiya keçən uşaqların motivasiyasını yüksəltmək, onların gündəlik müalicə prosesini nisbətən yüngülləşdirmək, boş-asudə vaxtlarını daha səmərəli təşkil etmək, eləcə də oyun terapiyası vasitəsilə psixoloji və fiziki bərpa proseslərinə müsbət təsir göstərməkdir.

Bu dəfə isə şirkətimiz Əmək və Əhalinin Sosial Müdafiəsi Nazirliyi, Dövlət Tibbi-Sosial Ekspertiza və Reabilitasiya Mərkəzi, Qəbələ Uşaq Reabilitasiya Mərkəzində müalicə alan uşaqların istifadəsi üçün Mərkəzə tərəfimizdən portativ MSI oyun konsolları hədiyyə edildi! 

Oyun terapiyası əyləncəli olmaqla yanaşı, eləcə də uşaqların motorika bacarıqlarını inkişaf etdirməyə, əzələlərinin koordinasiyasını artırmağa, göz kontaktı bacarıqlarını, anında sürətli reaksiya vermə qabiliyətini və sosial adaptasiyanı gücləndirməyə kömək edəcəkdir.

Tədbirdə Mərkəzin direktoru, müalicə alan uşaqlar və valideynləri iştirak edirdilər. Oyun konsollarına uşaqlar tərəfindən çox böyük maraq və həvəs göstərildi. Balaca qəhrəmanlarımızın gülümsəməsi bizim üçün ən böyük motivasiyadır!