ASUS və Aztech-in birgə təşkilatçılığı ilə 23 noyabr 2023-cü il tarixində şəhərimizin gözəl məkanlarından biri olan Manqal Steak House-da ASUS ExpertBook seriyasına həsr olunmuş biznes konfrans keçirildi. Tədbirə partnyorlar, dillerlər və korporativ sahədə əməkdaşlıq etdiyimiz bir çox şirkətlərin nümayəndələri dəvət olunmuşdu. ASUS-un rəsmi nümyəndələrinin iştirakı ilə keçirilən biznes konfransda ExpertBook seriyasının B1, B2, B5 və B9 modellərinin özəllikləri haqqında geniş məlumat verildi. Tədbir iştirakçıları ExpertBook modellərini böyük maraqla qarşıladılar və bütün modellərlə yaxından tanış olub, noutbukları yerindəcə sınadılar.
Tədbirin rəsmi hissəsindən sonra qonaqlar canlı musiqi müşayiəti ilə nahar zamanı sıx ünsiyyətdə oldular. Tədbir iştirakçıları ilə uduşlu lotereya keçirildi və qalib A2Z Technologies-in əməkdaşı Gültəkin Cəfərova oldu.
Konfransa olan böyük marağa və iştirak etdiklərinə görə iştirakçılara təşəkkür edirik.
