LAÇIN, QARABAĞDA İLK TEXNOLOJİ TƏQDİMAT VƏ GƏNCLƏR ARASINDA GAMİNG FESTİVAL.

Hazırda işğaldan azad olunan ərazilərdə sürətlə bərpa-quruculuq işləri gedir və həyat əvvəlki məcrasına qayıdır. Aztech şirkəti olaraq biz də bu prosesdə iştirak etmək istədik və 19.12.2023-cü il tarixində Laçında “LaCinema” kino mərkəzində “LEGION GO” portativ oyun konsolunun ilk təqdimatını və gənclər arasında əyləncəli Gaming Festival keçirtdik. Dünya təqdimatı cəmi bir neçə həftə əvvəl keçirilmiş yeni portativ oyun konsolu “Lenovo Legion Go” Laçındakı bu təqdimatdan sonra Azərbaycanda rəsmi satışa çıxarıldı.

Təqdimatdan sonra məktəblilər və gənclər arasında maarifləndirici və əyləncəli Gaming Festival keçirildi. Gənc nəslin maarifləndirilməsi, yeni texnoloji məhsullarla tanışlığı, boş asudə vaxtlarını daha faydalı necə keçirə biləcəkləri barəsində maraqlı müzakirələr aparıldı. Laçınlı gənclər və məktəblilər üçün əsl bayram abu-havalı  olan və Qarabağda ilk dəfə təşkil olunan bu tədbirə maraq böyük idi.

Şirkətin marketinq meneceri Gülnar İsmayılova öz müsahibəsində belə bildirmişdi ki, “Aztech şirkəti olaraq işğaldan azad olmuş torpaqlarımızda belə bir tədbiri keçirmək bizim üçün böyük qürurdur! Tövsiyyə edirik ki, bundan sonra digər texnoloji şirkətlər də  önəmli təqdimatlarını və tədbirlərini məhz doğma Qarabağımızda keçirsinlər ki, bu torpaqlarda həyat tez bir zamanda əvvəlki məcrasına qayıtsın.”